Ракометарките на ЖРК Вардар им приредија пријатно изнедадување на учениците во средното економско училиште „Васил Антевски Дрен“. Како еден вид рекламна кампања пред важниот дуел против Митјиланд во недела, црвено-црните девојки се дружеа, фотографираа и ги поканија учениците да присуствуваат на натпреварот, каде ќе им ја дадат потребната подршка на патот кон важната победа против данскиот состав.
Покрај оваа посета, на 31.10.2015 (сабота)од 12:30 часот во Сити Мол е закажана нова дружба со ракометните ѕвезди, на која секој фан ќе ја има можноста да купи производи од фан шопот на Вардар со 20% попуст.

Натпреварот ЖРК Вардар-Митјиланд е на програмата во недела со почеток во 15 часот и 15 минути во СЦ „Јане Сандански“.