РК Целје Пивоварна Лашко 32-28 Рајн Некар Ловен

Преполната „Златорог“ арена беше сведок на уште еден спектакл од Лигата на ракометните шампиони. Целје бодрен од околу 4000 најверни навивачи го порази германскиот ракометен гигант Рајн Некар Ловен со 32-28(16-11).

Солидна одбрана и рационална игра во нападот на домаќините беа клучни за сензационалниот пораз на водечки тим во Бундеслигата. Лука Звижеј одлично го покриваше  Шмид, а Миклавчиќ и Слишковиќ беа на висина на задачата. По првите триесет минути, Целје имаше 4 голови предност.

Тренерот Јакобсен постојано ја менуваше одбранбената формација, но сето тоа беше безуспешно бидејќи во вториот дел ракометарите на Целје имаа и 7 голови предност. Во ниту еден момент од натпреварот не беше доведено во опасност прашањето околу победникот. На крај со четири голови предност словенците им се реваншираа на „лавовите“ за поразот минатиот четврток во Манхајм.

Целје Пивоварна Лашко: Lesjak, Skok 11 одбрани; Blagotinšek 1, Ivič 2, Žuran 1, Janc 4, Razgor 3/2, Marguč, Malus, Poteko 2, Miklavčič 7, Sliškovič 4, Zarabec 5, Kodrin 1, Kasal 1, Žvižej 1;
тренер: Branko Tamše

Рајн Некар Ловен: Landin , Rutschmann; Schmid 2, Gensheimer 7/4, Kneer, Sigurmannsson, Myrhol 4, Steinhauser, Larsen, Groetzki 1, Reinkind 1, Guardiola, Petersson 2, Ekdahl du Rietz 5
тренер: Nikolaj Jacobsen

РК Прво Плинарско Друштво Загреб 25 : 22 РК Мешков Брест

Во еден од најинтересните дуели од шестото коло, Загреб пред своите навивачи ја совлада белоруската екипа Мешков Брест со 25-22. Иако составот на Веселин Вујовиќ настапи без Мандалиниќ и Павловиќ, ударните леви бекови во хрватскиот состав, сепак со одличната 5-1 одбрана со потписот на црногорскиот стратег, Загреб имаше три голови предност на полувреме 11-8. Доминацијата во играта Загреб ја задржа до 48-та минута кога последен пат имаше највисока предност на натпреварот од шест голови 21-15.

Во последните 10 минути Загреб влезе растеретен, што го чинеше неизвесна завршница. Расположените крила на белорусите и грешките во нападот им овозможија на ракометарите на Мешков да се борат за нерешен резултат, иако имаа шанси и да го изедначат резултатот среќата им го сврте грбот на белорусите во одлучувачките три минути од натпреварот за конечни 25-22.

ППД Загреб: Ivić (4 одбрани), Stevanović (8 одбрани); Mihić 3, Brozović 1, Stepančić 2, Šprem 1, Čorić, Šebetić 2, Raković 1, Horvat 6, Šušnja 1, J. Valčić 1, T. Valčić, Obranović 4, Vuglač 3, Lukačec

Мешков Брест: Pešić (12 одбрани), Čarapenka, Babičev, Božović, Manojlović 5, Kamišik, Špiler, Nikulenkau, Stojković 9, Šumak, Vukić, Baranau, Rutenka 4, Razgor 2, Šilović 3, Astrašapkin

ТХВ Kил 33 : 29 ПСЖ Хандбол

Кил го повтори натпреварот од минатата недела и повторно го совлада парискиот гигант ПСЖ со 33-29, овојпат пред своја публика.

Почетокот на натпреварот им припадна на французите, пред се благодарение на одличните одбрани на Омејер. По воведните пет минути ПСЖ беше во водство од 3-5.„Зебрите“ на овој натпревар настапија без Палмерсон и Јиха клучната бековска двојка од минатата сезона. Легендарниот француски голман го одржуваше водството на својот тим, кое во 20-та минута изнесуваше два гола предност 10-12, а на спротивната страна Сјостранд се обиде да го замени индиспонираниот Паличка на голот на Кил. До крајот на првиот дел, Кил имаше шанса да го изедначи резултатот во последните секунди, но Омејер повторно со одлична одбрана го запре ударот на Шпренгер и ги одведе парижаните на полувреме со 14-15.

Кил се обиде да ја промени одбраната, но 6-0 формацијата  му овозможи на Хансен лесно да ја полни мрежата на Сјостранд. Кон средината на второто полувреме Паличка со неколку одбрани најпрво му овозможи на својот тим да изедначи на 22-22, а подоцна да ја продолжи серијата до 25-22, благодарение на Дувњак и Канељас. Токму Дувњак ги реши сите дилеми околу победникот со погодокот за 32-27 и крај на надежите на ПСЖ за изненадување.

ТАБЕЛА И РЕЗУЛТАТИ

ГРУПА А