Европската ракометна федерација направи избор на дел од најубавите голови од овогодинешното издание на ЕХФ Велукс Лигата на шампиони во машка конкуренција. Во ова друштво се најдоа вардарците Алекс Душебаев и Тимур Дибиров, и македонскиот репрезентативец Наумче Мојсовски кој настапуваше за Металург, кои со своите атрактивни голови предизвикуваа воодушевување кај љубителите на ракометот ширум Европа. Покрај македонските претставници во овој избор се најдоа и Хавард Тведтен (Данкерк), Гарсија Робледо (Пик Сегед), Емил Бергрен (Кадетен Шафхаузен), Вилијам Акамбре (ПСЖ), Бо Спелерберг (Киф Колдинг),Томас Могесен (Фленсбург), Кристијан Шпренгер (Кил), Иван Нинчевиќ (Бешикташ), Душко Челица (Загреб), Диего Симонет (Монпелје), Доминик Клајн (Кил), Наумче Мојсовски (Металург), Лук Абало (ПСЖ), Марко Вујин (Кил) и Метју Греби (Монпелје). Погледнете дел од најубавите погодоци во ЛШ за сезоната 2014-2015.