Стојанче Стоилов го понесе епитетот најдобар пикер по првите четвртфинални дуели на ЕХФ Велукс Лигата на шампиони во машка конкуренција. Вардаровиот пикер беше ракометарот кој со својата бескомпромисна борбеност и ефикасност од линијата на шест метри, во последната третина од натпреварот се обидуваше да го врати Вардар во игра и да ги задржи шансите на “црвено-црните” за пласман на фајнл-фор турнирот.
Друшто на Стоилов во најдобрата седморка по првите четвртфинални дуели му прават: Мануел Штрлек (Киелце), Момир Илиќ (Веспрем), Никола Карабатиќ (Барселона), Лука Степанчиќ (ППД Загреб), Рајко Продановиќ (Пик Сегед), и Роланд Миклер (Веспрем).