Левиот бек на Вардар, младиот руски интернационалец Александер Деревен беше успешно опериран на клиника во Аугсбург, Германија. Првите информации по хируршкиот зафат се позитивни, а операцијата поминала во најдобар ред.
Рускиот репрезентативец ги повреди предните вкрстени лигаменти, на мечот против Рајн Некар Ловен, а неколку денови подоцна лошата вест официјално ја потврди и македонскиот шампион.
Пред Деревен претстои долгиот процес на рехабилитација, кој вообичаено за вакви повреди трае околу шест месеци.