РК Вардар ги запали моторите за престојната ракометна сезона во која влегува со големи амбиции. Новите засилувања во клубот треба да ги пополнат празнините од минатите сезони и да бидат последниот дел од мозаикот за остварување на долгопосакуваниот пласман на фајнл-фор турнирот во ЛШ. Хорхе Македа, Александер Деревен, Дејан Манасков, Мијајло Марсениќ и Лука Циндриќ го одржаа првиот тренинг во својот нов клуб, во кој најпрво имаа краток собир во СЦ “Јане Сандански” а потоа се упатија на фудбаскиот терен каде имаа лесен кондиционен тренинг.