Унгарскиот шампион Ѓер Ауди ЕТО ги обезбеди услугите за една од најдобрите ракометарки на денешницата, Нора Морк. Норвежанката потпиша три годишен договор со управата на Ѓер и успеа да ги претрка останатите конкуренти. Македонскиот шампион Вардар беше заинтересиран за услугите на Морк, но ракометарката сепак се одлучи својата прва интернационална авантура да ја започне во Унгарија.

24-Годишната Морк во изминатите две сезони двапати беше избрана во ол-стар тимот на светските и европските првенства. Нејзината сестраност и одлична перцепција на играта секако ќе го исфрли Ѓер како главен фаворит за европскиот трофеј во наредните сезони.

“По седум одиграни сезони во Ларвик почуствував дека е време за промени, да се обидам со нешто ново. Од она што го работи Ѓер изминативе сезони, сметам дека е вистинска средина за мене. Исто така  навивачите и атмосферата на домашните натпревари во Ѓер се уникатно искуство, кое би сакала да го почуствувам повторно. Секако и Хајди Локе е една од причините да ја прифатам понудата од Ѓер”

-истакна Морк по обелоденување на трансферот.