Ракометарките на Овче Поле Славјански Универзитет стартуваа со висока победа во новата сезона од Женската Лига, откако беа подобри од Деспина со 22:35 на гостински терен во Прилеп. Домаќинот водеше само на стартот со 1:0, а потоа се беше во знакот на мотивираните гостинки од Свети Николе.

Поведоа со 1:4, до паузата имаа солидни плус 5, 9:14, а во вториот дел го разбија комплетно противникот и славеа со 13 голови разлика, 22:35. За домаќинот не беа доволни ниту 13 голови на Михаела Камческа, а кај гостинките се истакна Марија Анчева со 11, додека Ангела Саздова и Јованка Китановска дадоа 8, односно 7 голови.