По сите перипетии кои го следеа Страхиња Милиќ, при недоразбирањето со привремениот вршител на должноста селектор на Србија, Дејан Периќ, кој наводно поради пијанство и недолично однесување го исклучи голманот на РК Вардар од репрезентацијата и македонскиот вицепрвак одлучи да го казни Милиќ поради тој инцидент.
Управата на клубот ја донела оваа одлука бидејќи сметаат дека и покрај тоа што овој инцидент нема никаква врска со делувањето на клубот, Страхиња Милиќ како член на РК Вардар ги носи „црвено-црните“ бои без разлика во кое својство и каде се појавува. Затоа во кратко соопштение Вардар по разговорот со ракометарот излезе со став:

Почитувајќи ги клупските правилници, Вардар му изрече временска суспензија од еден месец на Милиќ, и парична казна согласно клупските правилници поради ваквото однесување, со надеж дека истата ќе влијае позитивно на негово однесување во иднина, како на негов, така и на другите членови на екипата.