Гостувањето на ППД Загреб во Скопје, има посебно значење за легендарниот тренер Веселин Вујовиќ. Тој поголемиот дел од тренерската кариера го помина во Скопје, како предводник на Вардар, а во дресот на „црвено-црните“ тогаш настапуваа Милорад Куковски и Гоце Ојлевски. Денес тројцата се дел од шампионските екипи на Загреб и Металург. Ракометната судбина го одведе популарниот Вујо во „сино-белиот“ Загреб, додека Ојлевски и Куковски се дел од поискусните ракометари кои останаа во редовите на македонскиот шампион Металург.