Откако ја испуштија победата над Гевгелија во второто коло, ракометарките на Вардар Јуниор го победија составот на Овче Поле СУ со убедливи 39:23 во рамките на натпревар од 3 коло од Женската Лига.

Гостинките од Свети Николе водеа само на стартот со 0:1, и 1:2, а потоа се беше во знакот на домашните ракометарки предводени од Симе Симовски. До полувремето обезбедија предност од 8 разлика, 19:11, а во вториот дел само ја дуплираа за плус 16, и конечна победа со 39:23.

Најдобри во домашниот состав беа Анастасија Николовска и Ива Божиновска со по 6 голови, додека по 4 дадоа Бојана Диневска и Ана Иванова. Кај Овче Поле СУ, Драгана Стојанова беше стрелец на 12, додека Марија Анчева даде 6 голови.