Бундеслигашот Вецлар објави дека ќе може да смета на услугите на македонскиот репрезентативец Филип Миркуловски веќе на утрешниот натпревар против Балинген. Миркуловски имаше повреда на препоните и изминатите неколку недели не беше во комбинација за настап.

„Филип на најдобар начин ја искористи паузата и рехабилитацијата. Тој веќе не чуствува никаква болка и може да се врати на тренинзите и да се стави на располагање на екипата. Како што сега стојат работите ќе можеме да сметаме на неговите услуги веќе на утрешниот натпревар против Балинген“.- изјави тренерот на Вецлар, Бјорн Сеп.

Миркуловски поради процесот на рехабилитација мораше да го откаже репрезентативниот повик за време на ЕХФ недeлата којa ќе се одржи од 2 до 9 октомври.