Голманот на Вардар, Страхиња Милиќ ја има втората најдобра одбрана на реванш- четвртфиналните натпревари на ЕХФ Велукс Лигата на шампионите во машка конкуренција. Милиќ го замени Штербик и на неколкупати со одлични интервенции го одржуваше Вардар во игра до самиот крај на натпреварот. Токму одбранетиот зицер на Штрлек се најде на втората позиција за најдобра одбрана во изборот на ЕХФ. Покрај Милиќ во ова друштво влегоа и Андреас Паличка (Кил), Хозе Мануел Сиера (Пик Сегед), Гонзало Перез Де Варгас (Барселона), а најдобрата одбрана на реванш-четвртфиналните дуели му припадна на фантастичниот Роланд Миклер од Веспрем.