Македонската публика беше навикната на победи против големите фаворити, пред Металург потклекнаа големата Барселона и францускиот гигнат ПСЖ, но состојбите кои се случија со тимот од Автокоманда не дадоа за право македонската публика да се надева на ново чудо во „Борис Трајковски“. Можеби Шафхаузен и не е ракометен гигант, но овој Металург дефинитивно беше Давид пред швајцарскиот Голијат. Затоа победата беше императив за оваа публиката во „Борис Трајковски“, за атмосферата во тимот, за радост кај оние кои предвреме се откажаа од некогашниот бренд „Металург“.

По воведниот пораз, екипата на Металург на домашен терен го совлада швајцарскиот состав Кадетен Шафхаузен со 28-24 и ги запиша првите бодови во новиот формат на натпреварување. Ова е втор пораз за Кадетен, по воведниот на домашен терен против норвешкиот состав Елверум.

Првите два погодока ги постигна капитенот Пешевски, гостите постигнаа еден, но металурзите возвратија со три погодоци во низа за одличен почеток од 5-1 по првите осум минути. Ракометарите на Кадетен во 17-та минута се доближија на негатива од два погодока, но тоа беше се што сторија гостите. На полувреме двете екипи заминаа со резултатот 15-11, а последниот погодок беше дело на Бојан Маџовски кој го постави конечниот резутат со звукот на сирената.

По само една минута во вториот дел, Металург преку Костески ги создаде највисоките 5 голови разлика, 16-11. Разликата се одржуваше до 43 минута кога Томинец и Стојановиќ го вратија Шафхаузен на минус три. За среќа, тимот на Лино Червар ја одржуваше предноста, а Швајцарците немаа моќ за повеќе. Разликата на минута пред крај ги достигна највисоките пет погодоци 28-23, а Габор Часар со гол од пенал линијата ги постави конечните 28-24.
Најпрецизен во тимот од Автокоманда беше Божовиќ со осум погодоци, а по него следуваш Мраковчиќ со пет. Голем дел од заслугите за вечерашната победа имаше расположениот голман Дупљачанец. Кај гостите Часар постигна седум, а Кох четири.