Спортската сала во Автокоманда денес беше домаќин на една од четирите четвртфинални групи од Купот на Македонија. Освен домаќинот Металург учествуваа екипите на Феникс, Радовиш и Текстилец.
Во првото полуфинале македонскиот шампион беше убедлив и со постигнати 53 голови го декласираше битолскиот состав на Феникс. Во второто полуфинале Радовиш беше поуспешен од Текстилец и со резултат 34-21 се пласираше во финалето.
Металург 31-23 Радовиш (15-11)
Илиев го отвори резутатот за првото и единствено водство на гостите, Џукиќ Неловски и Војводиќ го одведоа Металург на +2 во 5-та минута. Дарко Џукиќ ги постави највисоките пет голови предност 14-9. До крај на полувремето Радовиш преку Илиев намали еден погодок за конечни 15-11 по првите триесет минути.

Одличниот старт на Металург во второто полувреме и првите шест голови предност по пет одиграни минути го најавија крајот на надежите на Радовишани. Металург продолжи со својата игра, го одржуваше водството кое го создаде во првиот дел, а во последниот период од мечот имаше и девет голови разлика 30-21. По шеесет одиграни минути Металург обезбеди пласман меѓу најдобрите четири екипи во Купот на Македонија со резултат 31-23.

Најпрецизни во екипат на Металург беа Дарко Џукиќ со седум и Неловски со пет погодоци, во редовите на Радовиш најдобар поединец беше Илиев со тринаесет голови.

ФОТО: ФИЛИП ВИРАНОВСКИ