По авантурата во Рајн Некар, македонскиот репрезентативец Дејан Манасков потпиша за унгарскиот првак Веспрем. Тој веќе ги имаше и првите настапи за Веспрем на турнирот „Шпаркасе Куп“ во Германија, против Загреб и Гепинген.

На првиот дуел Веспрем не успеа да слави против Загреб и одигра само 28:28, а Манасков имаше 1 неуспешен обид за погодок, додека на вториот натпревар од групата против Гепинген, кој Унгарците го добија со 35:33, левото крило беше многу подобро и постигна 3 голови од 4 обиди.

Веспрем го освои првото место во групата А и ќе разигрува за титулата против Нант каде игра Кире Лазаров, што значи дека ќе гледаме македонски дуел во финалето.