Во рамките на третото коло од Лига на шампионите во првата група екипата на РК Крим забележа победа на гостувањето во Волгоград против Динамо – Синара со 26:25 ( 13:15). Пред волгоградската публика своите квалитети на теренот ги покажа поранешната репрезентативка на Македонија, Мирјета Бајрамовска која беше најзаслужна за победата со нејзиниот Крим и беше најефикасна на натпреварот со осум погодоци. Кај рускиот тим традиционално Ана Кочетова ја предводеше листата на стрелци со шест погодоци. Против составот на Динамо играа и двете поранешни ракометарки од овој клуб, Марина Ламбевска и Екатерина Чешкова кои не се запишаа во листата на стрелци.

Во четвртото коло Крим е домаќин на Динамо во Љубљана.

Претходно во првата група Лајпциг го декласираше Хипо со 42:22 ( 15:13)

Натпревари за денес

Група Б

Турингер – ЖРК Будуќност ( 14.30 часот)

Подравка – ЖРК Вардар  ( 17.00 часот)

Група Ц

Виборг – Ѓер ( 17.00 часот)

Група Д

Лублин – Мец ( 18.00 часот)

Фото: rkkrim.com