Откако му се повредија два од трите десни бекови, Лино Червар мораше во последен момент да најде ново решение за оваа позиција за ЕХФ-неделата во која ќе има два контролни дуели против селекцијата на Словенија. Тој одлучи и да ја разубави репрезентацијата бидејќи новиот десен бек е Мистер туризам 2016.

Се работи за Јаков Вранковиќ, кој игра во редовите на Татабања од Унгарија. Тој ќе биде замена за повредените Копљар и Степанчиќ и ќе се обиде да дојде до минутажа во конкуренција со Шебетиќ и Вуглач.

Се работи за играч кој има 25 години, но во моментов е далеку попознат по неговиот избор за Мистер отколку по игрите на теренот. Останува да се види дали ќе успее да покаже дека може да биде добар и во репрезентацијата.

„Во тоа време играв за Динамо од Букурешт. Имав слободно време, па се пријавив за изборот и победив“, изјави Вранковиќ.