Куп на Франција: Шамбери со шамар за Монпелје, во финалето ќе игра против Данерк

Полуфиналните средби во Купот на Франција ги одлучија патниците во финалето од ова натпреварување. Во него силите ќе ги одмерат Шамбери и Данкерк откако овие два тима остварија победи во своите дуели.

Шамбери имаше тешка задача против големиот Монпелје. И покрај тоа што беа во подредена улога поради реномето на противникот, тимот предводен од Еирк Мате успеа да го совлада актуелниот европски првак со 33:29. Монпеље беше столчен уште по првиот дел кој Шамбери го доби со високи 18:11.

Данкерк се соочи со далеку полесна задача бидејќи за противник го имаше второлигашот Нанси. Тимот кој се наоѓа на десеттата позиција во најсилната лига на Франција немаше поголеми потешкотии и славеше со 27:17. Пред еден месец, ПСЖ го освои Лига Купот н Франција совладувајќи го Монпелје во финалето.