Во второто полуфинале на втората четврт-финална група, ракометарите на Тинекс Пролет го совладаа тимот на Работнички со 24-17 и се пласираа во финалето. Групата 2 чиј домаќин е Тинекс Пролет ќе го даде третиот учесник на фајнл фор турнирот од Куп завршницата на Македонија.

Уште на самиот почеток, домаќините создадоа разлика од три голови, која до крајот на првиот дел ја зголемија на пет погодоци. По првите триесет минути резултатот беше 13-8.
На почетокот на вториот дел, ракометарите на Пролет со нова серија од четири голови создадоа висока предност од девет разлика 17-8 и го решија прашањето околу победникот. По шеесет минути игра Пролет славеше со убедливи 24-17. Во финалето ќе се сретнат со екипата на Металург 2 која го совлада прволигашот Лозари во првото полуфинале.
Натпреварот со Металург, ракометарите на Тинекс Пролет ќе го одиграат од 18:30 во спортската сала „Македонско сонце“, победникот ќе се пласира меѓу најдобрите четири екипи во Купот на Македонија.