Предводникот на листата на најдобри стрелци во Лигата на шампионите Каролина Кудлач го продолжи договорот со Лајпциг до 30 јуни 2019 година.

Одличните игри кои таа ги прикажа во дресот на германскиот будеслигаш ја донесоа до капитенската позиција со што таа стана лидер на тимот.  Мотивите за продолжување на договорот се исто така поврзани со нејзиниот приватен живот.

“Со мојот избраник сакаме да се венчаме во јуни, тој моментално живее во Гдањск, но ќе дојде на работа во Лајпциг ова лето”

“Германија е мојот втор дом, одлично се чуствувам тука” изјави Кудлач за германските медиуми.

Полската репрезентативка исто така има поднесено барање за двојно државјанство. Сепак таа сака да продолжи да игра за полскиот национален тим во кој исто така ја има капитенската улога.

---

Foto: Jens Wolf