Деветтиот натпреварувачки ден во Доха го одбележа првата замена во исландскиот тим. Исландскиот ракометен сојуз официјално изврши замена на моторот на исландската репрезентација Арон Палмарсон, а на негово место на натпреварот против Египет ќе игра Гунар Стеин Џонсон.
На натпреварот против Чешка, суперѕвездата на Кил во 24-та минута доби удар во главата по што не беше во можност да го продолжи натпреварувњето. Лекарите во исландскиот табор констатирале мал потрес на мозок, поради што Палмарсон не е во можност да настапи на клучниот дуел против Египет кој се игра денес од 17:00.
Иако прогнозите не се поволни за исландскиот плејмејкер, тренерот на екипата, Кристијансон се надева дека во наредните неколку дена состојбата на Палмарсон ќе се подобри, а со тоа ќе ја искористи и втората последна замена на првенството во клучниот елиминациски дел од натпреварувањето.
Исланд вечерва ќе се соочи и со најбројната навивачка група во Доха, популарните „Фараони“, а репрезентацијата на Франција беше единствениот тим кој успеа да ги совлда Егиќаните во досегашниот тек на натпреварувањето.
За потсетување Исланд пред два дена загуби од Чешка со 11 голови разлика, а претходно имаше една победа против Саудиска Арабија, еден пораз од Шведска и нерешен резултат со Франција.