Пред одлучувачкиот натпревар за првото место во групната фаза од Лигата на шампиони, ЖРК Вардар ја одржа редовната прес конференција.

Индира Кастратовиќ тренер на ЖРК Вардар:

Прв прес каде не морам да кажувам дека одигравме лошо, сеуште има простор девојките да се подобрат. Максимално се подготвуваме за Будуќност, кој е финалист од минатогодишниот Фајнл фор, очекувам крајниот резултат да биде во наша полза.

Барбара Лазовиќ, ракометарка ЖРК Вардар:

Позитивно е тоа што нашиот тим од натпревар во натпревар се подига. Треба да ги намалиме грешките и да одиграме агресивна одбрана, очекувам добар натпревар и позитивен резултат.

Гордана Нацева, претседател ЖРК Вардар:

Драго ми е што Вардар, Скопје, Македонија се домаќини на потенцијалните учесници на Фајнл фор. Наша цел е прво место во групата, очекувам да го продолжиме континуитетот и очекувам добар ракометен натпревар, извонредно регионално дерби. Верувам во нашиот тим и очекувам да ги забележиме двата бода.