Денес во СЦ “Јане Сандански” покрај дуелот ЖРК Вардар – РК Крим Меркатор ќе проследиме интересно дерби на тренерите на овие две екипи. Индира Кастратовиќ со ЖРК Вардар и Марта Бон со Крим Меркатор ќе ги бараат првите бодови во новата година од елитното европско натпреварување. Поискусна во натпреварите од Лигата на шампионите е Марта Бон, но тоа не значи дека денес ќе победи нејзината тактика. Кастратовиќ е тренер на ЖРК Вардар од 2012 година додека Марта Бон беше тренер на Крим Меркатор во периодот од 2008 до 2011 година. Оваа сезона повторно се врати на кормилото на Крим со цел да го спаси клубот кој имаше финансиски проблеми пред почетокот на сезоната. Исто како и во ЖРК Вардар така и во Крим имаше неколку промени во играчкиот кадар. Од екипата си заминаа Марина Ламбевска и Мелани Бак додека французинката Алисон Пино ги засили редовите на тимот. Во Крим има вкупно осум интернационалки, а особено важно е тоа што на последните натпревари, Марта Бон повеќе шанса и дава на младата ракометарка од Бугарија, Елизабет Оморегие. Освен што ја извршува функцијата тренер на Крим Меркатор, Марта Бон е селектор на женската репрезентација на Словенија.

Во продолжение 24Ракомет табеларно ви ги претставува сите победи, порази и нерешени средби на ЖРК Вардар и Крим Меркатор под палката на Индира Кастратовиќ и Марта Бон.

Резултати на ЖРК Вардар ( Tренер Индира Кастратовиќ) 

Резултати на Крим ( Тренер Марта Бон)