Турската екипа Бурса која се натпреварува во Супер лигата доби огромно засилување. Станува збор за репрезентативката на Црна Гора, Соња Барјактаровиќ која со својата селекција го освои златото на ЕП -2012 во Србија како и сребрениот медал на ОИ во Лондон.

Од 2012, Барјактаровиќ го носеше дресот на рускиот шампион, Ростов Дон, а претходно беше дел од црногорскиот шампион, ЖРК Будуќност.

Со трансферот на Барјактаровиќ, турската лига станува се поквалитетна заради големиот број на ракометарки од Србија, Хрватска, Црна Гора, Русија и Украина. Во Супер лигата во Турција настапуваат и ракометарки од Македонија.