По завршувањето на групната фаза од ЕП во кадетска конкуренција, во која македонската репрезентација заврши со скор од три порази од три одиграни натпревари, следува борбата за пласман од 9 до 16 позиција на табелата во која Македонија ќе се обиде да биде што повисоко пласирана.

Борбата за остварувањето на таа мисија започнува денеска од 13:00 часот против селекцијата на Србија. Тоа е репрезентација со која нашите репрезентативци можат да се надигруваат, а за тоа говорат и двата пријателски натпревари кои ги имаме одиграно со Србија во кои имаме скор од една победа и еден пораз.

Репрезентацијата на Србија исто така нема некој забележителни резултати на ова првенство. Нерешено со Швајцарија, и два порази од Исланд и Шведска е билансот на нашиот северен сосед. И двете репрезентации влегуваат во овој натпревар со желба за победа, но на крајот се надеваме дека сепак нашата репрезентација ќе ја забележи првата победа на ЕП во Полска.