Ако за голманите се вели дека колку се повозрасни, толку подобро бранат, таквото тврдење го потврдува и голманката на Вардар, Ина Суслина. 38-годишната руска интернационалка беше една од клучните ракометарки во победата над Ларвик со 19:31.

Таа влезе во осмата минута и не прими гол во следните осум минути, а тогаш Вардар ја направи клучната разлика. До крајот имаше 17 одбрани, од кои 2 пенали, а ваквата партија не мина незабележано од ЕХФ, кој ја смести во „Трите ѕвезди“, а една нејзината одбрана се најде и во ТОП 5 одбрани на колото.