Тимот на Пјотрковиа, каде втора сезона по ред настапува македонската репрезентативка Зорица Десподовска, забележа убедлива победа на гостински терен во полскиот шампионат. Пјотрковиа славеше над Јелениа Гора со 21:32, и по две кола има максимален учинок од две победи.

Десподовска на овој натпревар беше стрелец на 1 гол, но одигра одлично и во одбраната на победничкиот тим.

Селгрос Лублин, каде игра десното крило Елена Петковска победи дома против Кобиержице со 32:19, додека Погон Шчечин на Симона Стојановска, беше минимално поразен од Вистал Гдиња со 23:22.