Деревен потврди! Три години во црвено-црниот дрес!

Објавено од на во
Русија загуби во вториот клучен натпревар за пласман на Светското првенство, повторно минимално, повторно драматично овојпат од Полска. Победата на „вардарците“ Данил Шишкарев, Сергеј Горбок, Михаил Чипурин и Тимур Дибиров им избега во последната минута, а новата руска ѕвезда која од следната сезона ќе ги брани боите на Вардар, Александар Деревен по натпреварот изјави:
Ништо не ни одеше од рака на крајот на натпреварот поради тоа што влезе Шмал кој што ги одбрани потребните топки и многу ми е жал што така заврши натпреварот.
Дали ви беше тешко да ги слушате полските навивачи?
Не, воопшто туку напротив беше пријатно да играш кога има таква поддршка а ние ги слушавме нашите навивачи и им благодариме на сите кои дојдоа да навиваат за нас.
Како понатаму?
Сегаме имаме ден одмор, ден за тренинг за да видиме до каде сме и што треба да поправиме за следниот натпревар. Не се предаваме и ќе се бориме до крајот.
Запрашан од македонските новинари за договорот со Вардар, Деревен потврди:
Да, вистина е, потпишав договор на три години.