Попладнево се одиграа полуфиналните дуели на деветиот европски шампионат за ракомет на плажа во женска конкуренција.

Во првото полуфинале посреќни беа бранителките на титулата, репрезентацијата на Унгарија која по изведување на пеналите обезбеди пласман во големото финале. Италијанките го обезбедија првиот сет со високи 19:10, но Унгарија возврати за израмнување на резутлатот на 1-1. По изведување на пенал рулетот Унгарките славеа со 9-6.

Второто полуфинале понуди нови возбудувања, Норвешка се пласираше во финалето совладувајќи ја домашната репрезентација по изведување на пеналите. Првиот сет го освоија Шпанките, но Норвежанките со идентични 13-10 возвратија во вториот. Победникот се одлучи по петте серии на акции еден-на-еден, а во финалето ќе играат Норвежанките кои постигнаа 9 поени наспроти шесте на домаќинот.

Утре во Лорет де Мар се играат финалните натпревари, а програмата започнуваат од 13:00.