Ракометарите на Металург по првата победа во Лигата на шампионите, ги очекува нов натпревар во СЕХА Лигата, каде имаат половичен успех досега, 2 победи во 4 натпревари. Следен противник е искусниот тим на Загреб, предводен од легендарниот Касим Каменица.

Загреб во неделата загуби од Вардар во Лигата на шампионите во СЦ „Јане Сандански“ со 28:21, а вечерва ќе игра против Металург во СЕХА, па нивната желба е да се подобри впечатокот. Сите момци на Касим Каменица во изјавите пред мечот се едногласни во тоа дека на овој меч само победата е опција и ќе се обидат да стигнат до неа, иако Металург има свои адути пред мечот.

Во отуство на Червар, Металург ќе биде предводен од Александар Јовиќ, а ќе играат истите ракометари што беа дел од победата над Спортинг во Лигата на шампионите. Натпреварот започнува во 20:45 часот, а ќе се игра во СЦ „Борис Трајковски“.