Третиот ден од Европското ракометно првенство на плажа во женска конкуренција не донесе поголеми изненадувања.
Денешната програма започна со натпреварот помеѓу Србија и Унгарија во кој српските ракометарки иако ја намачија Унгарија сепак доживеаа пораз од 0-2 (14-15, 14-15). Дебитантот на овие натпреварувања, репрезентацијата на Црна Гора го доживеа својот шести пораз во шестиот натпревар, овој пат подобри од нив беа Норвежанките кои славеа со 0-2 (11-26, 7-20). Хрватската женска репрезентација за разлика од своите машки колеги нема да биде дел од главната рунда. Коцкастите денеска беа совладани од Украина со 2-1 (18-14, 11-15, 6-4) и ќе треба да се задоволат со борбата од 9 до 14 место. Домашната репрезентација на Шпанија со победата од 2-0 над Шведска го осигура второто место на табелата во групата Б, веднаш зад Норвешка и со два бодови ќе стартува во главната фаза.Од утре започнуваат да се играат натпреварите од главната фаза и дуелите за пласман од 9 до 14 место.

ГРУПА 1: Шпанија, Унгарија, Украина, Италија

ГРУПА 2: Норвешка, Русија, Полска, Холандија

ГРУПА ЗА ПЛАСМАН (натпревари од 9 до 14 место):

Хрватска, Швајцарија, Шведска, Србија, Германија, Црна Гора

[Best_Wordpress_Gallery id=”129″ gal_title=”Loret ZENI den 3″]

ФОТО: ФИЛИП ВИРАНОВСКИ