Регионалната СЕХА Лига ќе стартува утре со три натпревари, кои практично се дуели меѓу екипите од исти држави, освен средбата меѓу Татран Прешов и Мешков Брест. Натпреварот меѓу Металург и Вардар ќе се одигра в сабота, поради настапот на вардарци на Супер Глоуб.

Македонското „Ел Класико“ се игра во СЦ „Борис Трајковски“, а веќе од утре во 12 часот во продажба ќе се пуштат влезниците за овој натпревар. Тие се по цена од 150 денари за М блоковите и по 100 денари за сите други блокови, а ќе се продаваат онлајн, на следните линкови: www.karti.com.mk и  www.mktickets.mk

На денот на натпреварот, влезници ќе можат да се купат и во билетарницата на СЦ „Борис Трајковски“. Мечот ќе се игра со почеток во 17:45 часот.