Битолскиот суперлигаш Еурофарм Работник го именува својот нов тренер на следните две сезони. Клубот потпиша договор со Илија Темелковски, кој веднаш ќе го преземе кормилото на клубот. Тој доаѓа во Битола, откако минатиот викенд Пролет славеше над битолскиот тим, а тренер Андон Бошковски замина од клубот.

„Со голема чест и задоволство ја информираме спортската јавност дека за нов тренер на Еурофарм Работник е назначен Илија Темелковски. Докажаниот ракометен тренер и поранешниот селектор на машката младинска и сениорска ракометна репрезентација, потпиша двогодишен договор со нашиот клуб. Предизвиците и зацртаните цели на екипата во оваа сезона се големи. Раководството на клубот смета дека со изборот на Илија Темелковски за прв тренер на екипата зацртаните предизвици и цели ќе се остварат во целост.“ – се вели во клупското соопштение.

Работник го чека продолжението од Суперлигата, како и настапот во Челинџ Купот, каде противник им е литванскиот тим Каунас.