Малку му недостасуваше на Загреб да ја изненади Веспрем арената. Еден погодок, една одлука еден потег го одлучија победникот, искуството на противникот е непроценливо, но екипата на Веселин Вујовиќ беше на висина на својата задача. Доколку некој имаше дилеми зошто ППД Загреб е меѓу последните осум екипи во елитното натпреварување, одговорот го доби денес. На прес-конференцијата по натпреварот Вујовиќ и Лука Шебетиќ го споделија ова огромно искуство за младите ракометари на ППД Загреб.

Веселин Вујовиќ, тренер на РК Загреб:

Сакам да му честитам на Веспрем за победата и да им посакам среќа во финале, како што рековме во највата овој натпревар ќе го решава одбраната и тоа се покажа на овој натпревар.За време на натпреварот често губевме со 4-5 голови разлика и трошевме многу енергија за да се вратиме. На крај на натпеварот дојдовме блиску до победа, но квалитетот на Веспрем дојде до израз и им честитам на победата. Најлошо е што нема што да им замерам на моите ракометари во играта.

Неблагодарно е да играте за трето место на вакви турнири бидејќи значи дека сте загубиле во полуфиналето, сигурен сум дека Вардар и ние размислуваме за Лигата на шампионите, и покрај тоа мислам дека ќе одиграме квалитетен натпреавар.

Лука Шебетиќ, ракометар на РК Загреб:

Бевме блиску овојпат имавме шанси посебно во второто полувреме. Кога имавме -5 и -4 успеавме да го стигнеме Веспрем што е за пофалба но нивната подготвеност и квалитет беа пресудни да го добијат натпреварот.