Битолчанката, Викторија Мурговска својата ракометна кариера ја продолжува во Хорсенс Елит од Данска. Новиот клуб на Мурговска минатата сезона испадна од првата дивизија и во новата сезона клубот има големи амбиции да се врати во елитното друштво.

Минатата сезона, Мурговска беше најдобар стрелец во ЖРК Пелистер и беше најзаслужна за освоеното четврто место, а со тоа и настап  на ЖРК Пелистер во Челинџ купот.

Освен за Пелистер, Мурговска настапуваше и за ЖРК Жито Прилеп, ЖРК Гевгелија и Феникс АМ. На репрезентативен план го носеше дресот на Македонија на ЕП за јуниорки во Србија, 2009 година.