Со македонско дерби во СЕХА лигата започна новата ракометна сезона во Скопје. Во првиот дуел актуелниот европски првак беше поуспешен од Металург, но токму ракометарот на тимот од Автокоманда Мартин Велковски е единствениот македонски преставник во изборот за најубави голови на првото коло во регионалното натпреварување.

Меѓу најубавите голови убедливо најдобар е победничкиот гол на Татран Прешов кој го шокираше белорускиот шампион Мешков Брест, а во гласањето за најубав гол ќе можете да учествувате преку социјалните медиуми, односно фан страната на СЕХА на социјалната мрежа фејсбук.