Ракометарите на Бутел Скопје ја продолжуваат серијата без пораз во Првата Лига. Избраниците на Игор Котевски без преголем напор ја совладаа екипата на Делчево Вардар со убедливи 30:15, во натпревар од 7 коло.

Беше неизвесно, ако може така да се каже до 5:5 во 10 минута, потоа серија од 6 голови на домашните за 11:5, а до крајот на полувремето беше обезбедена предност и 13:7. Во второто полувреме шанса да играат добија сите ракометари на теренот.

И покрај тоа многу не се промени ситуацијата на теренот. Лесни голови од контра и полуконтра па предноста растеше, и беше зголемена на плус 15, 28:13, а до крајот уште по 2 гола на двете страни за конечни 30:15. Одлични во домашниот тим беа голманите Виларов и Блажески.

Се истакна Георгиевски со 6 голови, а по 3 дадоа Печенковски, Николовски, Дамчевски, Чапов, Николовски и Колоски. Во составот на Делчево Вардар по 4 голови постигнаа Милчевски, Георгиевски и Георгиев.